Ano ang inaasahan sa mga bisita

Inaasahan namin sa aming mga bisita na sumunod sa mga partikular na pamantayan at magbigay ng konsiderasyon at paggalang sa kanilang mga host, kapitbahay ng mga host, at sinupamang miyembro ng komunidad na posible nilang makasalamuha.

Ang hindi namin pinapahintulutan

• Hindi paggalang sa mga nakapaligid na komunidad: Sa panahon ng pamamalagi o Karanasan, dapat igalang ng mga bisita ang nakapaligid na komunidad at ang mga alituntunin nito. Kasama rito nang hindi nagsisilbing limitasyon ang: mga itinalagang oras na tahimik dapat, mga lokasyon at oras para sa pagpaparada, pinapahintulutang bilang ng sasakyan, at wastong pagtatapon ng basura at mga kalat sa mga itinalagang lugar.
• Hindi paggalang sa kasunduan sa pagpapareserba: Dapat sumunod ang mga bisita sa mga alituntuning itinakda ng mga host para sa bawat reserbasyon hangga't umaayon ang mga alituntunin sa mga tuntunin at patakaran ng Airbnb. Kasama rito nang hindi nagsisilbing limitasyon ang: mga oras ng pag-check in at pag-check out; bilang ng bisita; kung pinapayagan ang mga alagang hayop, paninigarilyo, o commercial film/photography; at iba pang alituntunin ng host na sinang-ayunan noong nagbu-book. Dapat ding ibalik ng mga bisita ang anumang susi ayon sa napagkasunduan ng magkabilang panig at makipag-ugnayan kaagad sa host kung magkaroon ng mga problema.
• Hindi paggalang sa tuluyan: Hindi maaaring iwan ng mga bisita ang tuluyan kung saan sila namalagi o ang kabuuan ng property sa kalagayang nangangailangan ng matindi o masusing paglilinis o pagkukumpuni na higit sa karaniwang pagkaluma at pagkasira. Sagot lang ng mga bayarin sa paglilinis ang gastusin sa karaniwang paglilinis sa pagitan ng mga reserbasyon.
• Pakikialam sa mga panseguridad na device: Hindi maaaring idiskonekta o takpan ng mga bisita ang anumang pinapahintulutang panseguridad na device na maayos na inihayag.
• Pagpunta sa personal na property kung saan wala kang pahintulot: Hindi dapat puntahan ng mga bisita ang anumang lugar na malinaw na isinaad na hindi dapat pasukin, naka-lock, o may personal o kompidensyal na impormasyon.

Matuto pa tungkol sa aming Patakaran para sa Kaguluhan sa Komunidad at mga pangunahing alituntunin para sa mga bisita.

Handa kaming tumulong

Kung may masaksihan o maranasan kang asal na labag sa aming mga patakaran, ipagbigay-alam ito sa amin.