Ano ang kailangan kong malaman bago dumalo sa isang Karanasan Online sa Zoom?

Ang Zoom ay isang third-party na cloud platform para sa pagsasagawa ng mga video conference at magagamit ito sa mga desktop computer, tablet, at mobile device.

Mga rekisito sa system at koneksyon sa internet

Bago ka makibahagi sa iyong karanasan, siguraduhing natutugunan ng iyong aparato ang mga rekisito sa system ng Zoom, at sumali sa isang test meeting para suriin ang iyong koneksyon sa internet.

Para matuto pa tungkol sa mga rekisito sa system para sa desktop computer, basahin ang artikulong Mga Rekisito sa System para sa PC, Mac, at Linux sa Sentro ng Tulong ng Zoom. Para matuto pa tungkol sa mga rekisito sa system para sa mobile device, basahin ang artikulong Mga Rekisito sa System para sa iOS, iPadOS, at Android. Para suriin ang iyong koneksyon sa internet, sumali sa isang test meeting.

Pagpapanatili sa iyong privacy kapag gumagamit ng Zoom

Mahalaga sa amin ang iyong privacy. Narito ang mga hakbang na ginawa namin para makatulong na protektahan ang iyong privacy sa mga karanasan online, at ang mga tip para maprotektahan mo ang iyong privacy kapag gumagamit ng Zoom. Kung hindi maa-apply sa iyong karanasan ang alinman sa mga sumusunod na setting, aabisuhan ka namin bago ka mag-book.

Paano tumutulong ang Airbnb sa pagprotekta sa iyong privacy kapag gumagamit ka ng Zoom:

• Gumagawa ng random na meeting ID na protektado ng password para sa bawat karanasan
• Hindi puwedeng i-record ang mga karanasan sa pamamagitan ng Zoom
• Naka-off ang video ng bisita sa pagpasok sa meeting room ng Zoom
• Hindi maibabahagi ng mga bisita ang kanilang mga screen habang isinasagawa ang karanasan
• Hindi magagawa ng mga bisita na makipag-chat nang 1:1 sa iba pang bisita sa pamamagitan ng Zoom
• Hindi makakapaglipat ng mga file sa pamamagitan ng Zoom
• Naka-on bilang default ang feature na "waiting room" na magagamit ng mga host para paisa-isang magpapasok ng mga bisita sa meeting room ng Zoom

Mga tip para matulungan kang protektahan ang iyong privacy:

• Huwag ibahagi kahit kanino ang link ng pulong sa Zoom na protektado ng password
• Gamitin ang pinakabagong bersyon ng Zoom app
• Maging alisto sa iyong kapaligiran at sa nasa likod mo kapag nasa harap ka ng camera—makikita ito ng iyong host at iba pang bisita
• I-mute ang iyong sarili hanggang handa ka nang magsalita
• Mag-ingat sa paggamit ng feature na panggrupong chat dahil mababasa ng lahat ng kalahok ang ipo-post mo
• Kung ayaw mong makita ng mga bisita at mga host ng iyong karanasan ang buong pangalan mo, puwede kang maglagay ng ibang handle o puwede mong gamitin ang pangalan mo lang kapag nag-log in ka sa Zoom
• Huwag kumuha ng mga screenshot o litrato ng iyong host o iba pang bisita nang walang pahintulot nila

Paglalagay ng closed caption

Para mas madaling makasali sa mga karanasan online ang mga taong may mga kapansanan at iba pang pangangailangan sa accessibility, na-enable namin ang function na paglalagay ng closed caption sa Zoom. Maaaring host o co-host, Zoom, o mga third-party na tagapagbigay ng serbisyo ang magbigay ng mga serbisyo ng paglalagay ng closed caption, at posibleng hindi available ang mga ito sa lahat ng wika.

Pagla-live stream

Sa ilang sitwasyon, maaari kaming mag-live stream ng mga karanasan online gamit ang mga platform gaya ng Facebook, YouTube, o Kaltura. Puwede kang matuto pa tungkol sa kung paano nila-live stream ang mga pulong sa Zoom sa YouTube at Facebook sa Sentro ng Tulong ng Zoom. Kung ila-live stream ang isang Karanasan sa Airbnb sa third-party na platform, ipapaalam namin ito sa iyo bago ka mag-book.

Saan makikita ang iyong host

Makakatanggap ka ng link para makasali sa karanasan online sa email ng kumpirmasyon, at sa email ng paalala na ipapadala bago magsimula ang karanasan online. Mahahanap mo rin ito sa impormasyon ng iyong reserbasyon sa page na Mga Biyahe.

Mag-log in sa Zoom kahit man lang 5 minuto bago ang takdang oras para matiyak na gumagana nang maayos ang lahat at na nasa oras ka para sa karanasan. Mahalagang tandaan na maaaring tanggihan ng iyong host ang mga mahuhuling bisita, at na hindi kwalipikadong makatanggap ng refund ang mga bisitang darating nang huli. Matuto pa sa aming artikulo tungkol sa Patakaran sa Pag-refund sa Bisita ng mga Karanasan.

Mga isyu sa Zoom

Siguraduhing tama ang link para sa iyong karanasan online. Kung hindi gumagana ang link, isara ang Zoom at subukan muli ang link. Kung hindi pa rin iyon gumana, magpadala ng mensahe sa iyong host para alamin kung nagkakaproblema siya sa Zoom.

Kung hihingan ka ng Zoom ng password, magpadala ng mensahe sa iyong host sa Airbnb para hingin ang password.

Panghuli, kung walang nararanasang problema ang host, bumisita sa Sentro ng Tulong ng Zoom.

Mga isyu sa privacy o kaligtasan sa karanasan

Kung may mapansin kang hindi naaangkop na nilalaman, o kung mayroon kang isyu kaugnay ng privacy o kaligtasan sa iyong karanasan, makipag-ugnayan sa suporta sa komunidad ng Airbnb at iulat ito. Magbigay ng maraming impormasyon hangga't maaari at iimbestigahan ng Airbnb ang isyu.