Magpapakita ng mga suhestyon pagkatapos i-type ang input sa paghahanap. Gamitin ang pataas at pababang arrow para tumingin-tingin. Gamitin ang enter para pumili. Kung parirala ang pinili, isusumite sa paghahanap ang pariralang iyon. Kung link ang suhestyon, pupunta sa page na iyon ang browser.
Paraan kung paano
Host

Pagdaragdag ng mga accessibility feature sa mga listing

Talagang nakakatuwa kapag puwede kang tumanggap ng mas marami pang tao sa patuluyan mo sa pamamagitan ng pagdaragdag ng mga accessibility feature. Maraming bisitang naghahanap ng mga listing na may mga partikular na kinakailangan.

Ang proseso nito

Una, tiyaking naka-publish ang iyong listing. Pagkatapos, puwede mong i‑edit ang kada kuwarto sa listing mo at itampok ang bawat accessibility feature gamit ang isa o higit pang malinaw na litrato.

I-edit ang iyong listing para isama ang mga accessibility feature

  1. Pumunta sa Menu, piliin ang Mga Listing, at i-click ang listing na gusto mong i-edit (Tandaan: kailangang na-publish na ang iyong listing para maidagdag ang mga feature na ito).
  2. Pumunta sa Mga accessibility feature
  3. Para sa bawat feature na mayroon ka, i‑click ang Mayroon ako ng feature na ito. Hihilingin din sa iyong magdagdag ng litrato.
  4. Kapag nakapagdagdag ka na ng mga litrato, i‑click ang I‑save.

Kakailanganin mong magdagdag ng kahit man lang isang litrato para sa bawat feature. Dapat matugunan ng lahat ng feature at litrato ang aming mga tagubilin sa ibaba. Kapag nakumpirma na ang iyong mga feature ayon sa aming mga tagubilin para sa litrato, ipapakita ang mga ito sa seksyong Mga accessibility feature ng iyong listing.

Mag‑edit ng kuwarto para magdagdag ng mga accessibility feature

  1. Pumunta sa Menu, piliin ang Mga listing, saka i‑click ang card ng listing na gusto mong i‑edit
  2. Sa bahaging Patuluyan mo ng pang‑edit ng listing, pumunta sa Photo tour
  3. Piliin ang kuwarto, i‑click ang Mga accessibility feature, at magdagdag ng mga accessibility feature.

Kakailanganin mong magdagdag ng kahit man lang isang litrato para sa bawat feature. Dapat matugunan ng lahat ng feature at litrato ang aming mga tagubilin sa ibaba. Kapag nakumpirma na ang mga feature ayon sa aming mga alituntunin para sa litrato, itatampok ang mga ito sa seksyong Mga accessibility feature ng listing mo.

Kung nakakonekta ka sa Airbnb sa pamamagitan ng channel manager o software sa pangangasiwa sa property nang ganap na naka‑sync, kailangan mong i‑update ang mga amenidad para sa accessibility ng listing mo sa pamamagitan ng API software mo. Makipag‑ugnayan sa tagapagbigay ng API software mo para itanong sa kanila kung kailan nila ilulunsad ang feature ng Accessibility API para makapagdagdag ka ng mga amenidad.

Matuto pa tungkol pagiging tanggap at ingklusyon sa Airbnb sa aming patakaran sa accessibility.

Mga kahulugan ng mga accessibility feature at mga tagubilin para sa litrato

Para matukoy kung aling mga accessibility feature ang mayroon ka, sumangguni sa mga paglalarawan na nasa ibaba at tiyaking natutugunan ng iyong kuwarto o tuluyan ang mga kinakailangang ito bago pumili ng feature. Tiyaking sumangguni sa gabay ng Airbnb sa pagkuha ng litrato ng mga accessibility feature.

Para sa listing mo

Accessible na paradahan

Kahulugan ng feature:

May pribadong paradahan na kahit 11 talampakan (3.35 metro) man lang ang lapad. O may pampublikong paradahang nakatalaga para sa taong may kapansanan at may malinaw na karatula o palatandaan.


Mga pamantayan para sa litrato:

  • Para sa mga pampublikong paradahan, itampok ang karatula o palatandaan para maipaalam na para iyon sa mga taong may kapansanan
  • Para sa mga pribadong paradahan o driveway, kumuha ng litrato mula sa malayo para maitampok na 11 talampakan (3.35 metro) o mas malapad pa ang espasyo

Maliwanag na daanan papunta sa pasukan ng bisita

Kahulugan ng feature:

Maliwanag sa gabi ang sidewalk o daanan papunta sa pasukan ng bisita.


Mga pamantayan para sa litrato:

  • Malinaw na itampok ang lahat ng pinagmumulan ng ilaw na nakatapat sa daanan papunta sa pasukan ng bisita
  • Huwag magsama ng mga pinagmumulan ng ilaw sa loob ng listing
  • Siguraduhing itinatampok ng larawan kung saan nakapuwesto sa daanan ang mga ilaw

Walang baitang na daanan papunta sa pasukan ng bisita

Kahulugan ng feature:

Walang baitang, hagdan, o kurbada sa mga daanan sa loob at labas papunta sa pasukan ng bisita tulad ng mga bangketa, pasilyo, o elevator.


Mga pamantayan para sa litrato:

  • Kumuha ng maraming litrato kung kailangan para maitampok ang buong daanan mula sa paradahan ng bisita hanggang sa pasukan ng bisita
  • Para sa mga apartment at hotel, magsama ng litrato ng pasukan ng hotel, lobby, pasilyo, at elevator kung mayroon, para maitampok ang buong daanan
  • Nakabukas dapat ang mga pinto para itampok na walang baitang o harang ang daanan

Walang baitang na pasukan ng bisita

Kahulugan ng feature:

Walang baitang o harang sa pasukan ng bisita, at wala pang dalawang pulgada (limang sentimetro) ang taas ng hakbangan sa pinto.

Sa hotel o gusali ng apartment, itinuturing na pasukan ng bisita ang pinapasukan ng mga bisita papunta sa kuwarto nila. Para sa lahat ng iba pang uri ng listing, ang pasukan ng bisita ang pasukan ng property.


Mga pamantayan para sa litrato:

  • Buksan ang pinto ng pasukan ng bisita
  • Ipuwesto ang camera sa labas ng pasukan nang nakatutok sa property
  • Itutok pababa ang camera para maitampok ang buong hakbangan ng pasukan

Ceiling o mobile hoist


Kahulugan ng feature:

May partikular na idinisenyong device na makakapagbuhat ng isang tao mula at patungo sa wheelchair. Puwedeng nakakabit ito sa kisame o hindi.


Mga pamantayan para sa litrato:

  • Partikular na idinisenyo dapat ang hoist para mabuhat ang isang tao mula at patungo sa wheelchair

  • Malinaw na itampok sa litrato ang hoist at ang puwesto nito sa kuwarto o banyo

Hoist sa swimming pool o hot tub

Kahulugan ng feature:


May partikular na idinisenyong device na makakapagbuhat ng isang tao mula at patungo sa swimming pool o hot tub.


Mga pamantayan para sa litrato:

  • Partikular na idinisenyo dapat ang hoist para mabuhat ang isang tao mula at patungo sa swimming pool o hot tub

  • Malinaw na itampok ang hoist at ang puwesto nito malapit sa swimming pool o hot tub

Para sa mga kuwarto sa listing mo

Pasukan ng bisita na mas malapad sa 32 pulgada (81cm)

Kahulugan ng feature:

Kahit 32 pulgada (81 sentimetro) man lang ang lapad ng pasukan ng bisita.


Mga pamantayan para sa litrato:

  • Maglagay ng tape measure sa bukas na pintuan sa pagitan ng dalawang pinakamakitid na bahagi ng hamba ng pinto

  • Kumuha ng isang litratong nagtatampok sa buong tape measure habang nasa pagitan ng hamba ng pinto

  • Kumuha ng ikalawang litrato ng tape measure kung saan malinaw ang mga panukat na unit

Walang baitang na daan papunta sa mga kuwarto


(available ang feature sa lahat ng uri ng kuwarto)

Kahulugan ng feature:

Nasa unang palapag ang kuwarto o makakapunta roon gamit ang elevator, lift, o ramp. Wala ring hagdan, baitang, o hakbangan na mas mataas sa dalawang pulgada (limang sentimetro) mula sa pasukan ng bisita papunta sa kuwarto.




Mga pamantayan para sa litrato:

  • Bago kumuha ng mga litrato, siguraduhing nasa unang palapag ang kuwarto o makakapunta roon gamit ang elevator, lift, o ramp

  • Itutok pababa ang camera para makuhanan ang buong bungad ng pasukan

  • Siguraduhing nakabukas ang pinto at ipuwesto ang camera sa labas ng kuwarto nang nakatutok doon

Mas malapad sa 32 pulgada (81cm) ang pasukan ng kuwarto


(available ang feature sa lahat ng uri ng kuwarto)

Kahulugan ng feature:

May lapad na hindi bababa sa 32 pulgada (81cm) ang pasukan o pintuan ng kuwarto.


Mga pamantayan para sa litrato:

  • Magsama ng tape measure o ruler na nakalagay sa pagitan ng hamba ng pinto. Dapat ay nasusuri ang magkabilang dulo nito at malinaw na nababasa ang mga numero. Bukas na bukas dapat ang pinto hangga't maaari.

Walang baitang na shower

Kahulugan ng feature:


Walang baitang o harang bago makarating sa shower. Mas mababa dapat sa isang pulgada ang mga hakbangan o pangharang sa tubig.


Mga pamantayan para sa litrato:

  • Itampok ang buong shower, kasama ang hangganan nito at ng sahig ng banyo.

Upuan sa shower o paliguan

Kahulugan ng feature:


May upuan o bangko na nakakabit man sa pader o hindi sa shower o paliguan. Partikular na idinisenyo dapat ang upuan para sa mga bisitang limitado ang pagkilos.


Mga pamantayan para sa litrato:

  • Itampok ang buong upuan sa loob ng shower o paliguan.

Nakakabit na hawakan para sa shower

Kahulugan ng feature:


May isa o higit pang hawakan sa shower na nakatornilyo o nakakabit nang mabuti sa pader at kayang sumalo ng bigat. Hindi puwedeng sabitan ito ng tuwalya, at hindi rin puwedeng nakakabit ito gamit ang suction o pansamantala lang.


Mga pamantayan para sa litrato:

  • Itampok ang buong shower nang malinaw na masusuri ang hawakan at ang puwesto nito sa shower.

Mga nakakabit na hawakan para sa toilet

Kahulugan ng feature:


Sa paligid ng toilet, may isa o higit pang hawakan na nakatornilyo o nakakabit nang mabuti sa pader at kayang sumalo ng bigat. Hindi puwedeng sabitan ito ng tuwalya, at hindi rin puwedeng nakakabit ito gamit ang suction o pansamantala lang.


Mga pamantayan para sa litrato:

  • Malinaw na itampok ang hawakan at ang puwesto nito malapit sa toilet.

Nakatulong ba ang artikulong ito?

Mga kaugnay na artikulo

Magpatulong hinggil sa iyong mga reserbasyon, account, at marami pang iba.
Mag-log in o mag-sign up